أخبار الرياضة

أخبار الرياضة من مصر

٢٣-٠٩-٢٠٢٤

دافعت الفنانة رانيا يوسف، عن فيلمها الجديد «أوراق التاروت»، وذلك بعد تداول العديد من الأنباء خلال الفترة الماضية عن تعرضه لاعتراضات رقابية بسبب مشاهد خادشة للحياء.

وقالت رانيا يوسف، خلال مداخلة مع الإعلامي عمرو أديب في برنامج «الحكاية» عبر قناة MBC مصر: «الفيلم سيتم عرضه وعمره ما كان ممنوع، ومن أول ما عملنا الفيلم والرقابة أجازته وأجازت النص والسيناريو وصورنا السيناريو بعد موافقة الرقابة، والفيلم مفيش فيه أي حاجة من الكلام الفارغ اللي بيتقال».

وتابعت: «لما شاب صغير عايز يعمل حوار وأقول له معلش مش عايزه أعمل حوارات أو مش عايزة أطلع في البرنامج بتاعك وأعتذر بكل أدب، وسلاحه قلمه يحاربني بيه لمجرد إني مش عايزة أعمل حوار، للأسف دول دخلاء على مهنة الصحافة، ده غير السوشيال ميديا اللي مفيش فيها لا ضمير ولا أخلاق».

وأوضحت رانيا يوسف، أن الفيلم يتضمن ظهورا للحيوانات، قائلة: «هو عيب يكون في كلب في الفيلم؟ لسه مؤخرا فيلم راح مهرجان فينيسيا بالكلب، وفيلمنا فيه قطة مع سمية الخشاب وبغبغان مع مي سليم وأنا عندي كلب، سابوا قطة سمية وبغبغان مي ومسكوا في كلب رانيا علشان التريند».

فيلم أوراق التاروت، من إنتاج بلال صبري، تأليف معتز المفتي، ويضم نخبة من النجوم المميزين في السينما منهم رانيا يوسف، سمية الخشاب، مي سليم، عبد العزيز مخيون، محمد عز، علاء مرسي، محمد سليمان، ووائل متولي، وبوسي شاهين.