أخبار الرياضة

أخبار الرياضة من تونس

٠٨-١١-٢٠٢٤

نشر حارس الملعب التونسي "سامي هلال" تدوينة عبر حسابه الشخصي بموقع التواصل الإجتماعي "فايسبوك" مساء أمس الخميس 7 نوفمبر 2024، وعلق من خلالها بحسرة على عدم دعوته لتعزيز صفوف المنتخب الوطني التونسي، في إطار مباريات تصفيات كأس أمم إفريقيا.

وفي ام يلي تدوينة حارس البقلاوة "سامي هلال":

الله غالب مانيش ولد الدار، اما ولد تونس الدار الكبيرة!

انا وأعوذ بالله من كلمة انا والي يعرفني مليح، من قريب ولا من بعيد، يعرف قدّاش نأمن بالخدمة، وعمري ما كنت من النوع الي نكتب على الفايسبوك اما ما وصلت اليوم كتبت الكلمتين هاذم الا ما حسيت ببرشة وجيعة وبرشة ظلم.

كل شيء بالكتبة، والمنتخب عندو "ماليه" ، بالرغم الي نحب بلادي ونحترم الدرابو وخيارات الاطار الفني.

انا خدمت ويعلم ربي قداش تمرمدت وضحيت من اجل دعوة لتمثيل بلادي كانت من المفروض تتوجهلي من التربص الي فات.

على كل الي صار صار ، ربي يهدي الي كان سبب.

حبيت نشكر الناس الكل الي وقفت معايا وتضامنت معايا وكلمتني .

انا نكوّر في جمعية كبيرة اسمها الملعب التونسي وهذه حاجة ما تنجم كان تقوويني وتنسيني في الحاجات الخايبة!

وفي نفس السياق، نشر الملعب التونسي تدوينة عبر صفحته الرسمية بموقع التواصل الإجتماعي "فايسبوك" وكتب "سامي في داره وشايخ مع اصحابو".

ويذكر أن الناخب الوطني "قيس اليعقوبي" قد صرح أمس إثر الكشف عن قائمة المدعوين، قائلا: " سامي هلال متميز لكن بن شريفية ولد الدار و تواجدو يعاون برشا مميش الي تعدى بمرحلة شك و رجع لمستواه و نجح كي وقف معاه معز ".